02/15 16:56
في السنوات الأخيرة، ذاع صيت أسماء كثيرة فى علم الفلك و الأبراج، منهم من أخذ الفضائيات وسيلة للوصول إلى الجمهور (الكاتبة هالة عمر وعبير فؤاد)، وآخر اتبع أسلوب فيديو دقائق على مواقع السوشيال ميديا (علاء منصور وكارمن شماس)، ورغم اختلاف أسلوبهم فى التقديم والعرض إلا أنهم أجمعوا على عدد من العيوب و المميزات، التي تستطيع من خلالها معرفة طبيعة شخصية برج "الدلو"، حيث قالوا عنه.
علاء منصور: "الدلو ملك التجاهل"
قال علاء منصور عن الدلو عبر فيديو، منشور على صفحته الخاصة بـ"فيسبوك": "الدلو هوائي زي برج الجوزاء، وزي الميزان فى العقل والروقان، عايش فى اللا لاند، يفكر بقلبه أكثر من عقله، ليه علاقات كتير واجتماعيات كتير وقاعدته ما بتخلاش من النكت لكن بينه وبين نفسه حاسس بالوحدة".
وأشار منصور إلى أن الدلو يتميز بصفة حفظ الأسرار والإخلاص للأصدقاء حيث قال: "الدلو بئر أسرار.. هترمي فيه الكلمة مش هتطلع لحد، يرتبط عليه مثل القط ما يحبش اللى خناقة، بيلفت نظره الناس اللى سهرته اللى خلته يفكر".
وعن انعزال الدلو الدائم قال: "ما تستغربوش لو لقيت حد من برج الدلو كان صاحبكم وحبايبكوا أوي ومرة واحدة اختفى.. هو مش عفريت! هو بس راح يقعد مع نفسه شوي وهيرجع ليكوا تانى فرش ولا أكن فى حاجة حصلت.. الدلو مبيهتمش كتير لكلام الناس، مابيحبش يكره حد، هو ملك فى التجاهل".
كارمن شماس: "الدلو غريب وعجيب"
قالت كارمن عبر فيديو نشر لها منذ شهور عن الدلو: "حياته دايما فيها تغيرات كثيرة، لأنه بيحب التغيير وما بيحبش إنه يفضل فى مكانه فى كافة النواحي، بيبتعد عن العادات والتقاليد وبيعتبرها قابلة للتغير، متمرد وثائر على كل شىء.. لأنه بيحب يحط القوانين الخاصة بيه، إنساني يبحث عن الكمال فى المجتمع، متقدم على الآخرين لأفكاره الغريبة، متواضع غير مهتم بالأمور الماضية، حر طليق، غير عاطفي".
عبير فؤاد: "الدلو بيخاف من العلاقات"
كشفت خبيرة الأبراج عبير فؤاد عن بعض أسرار "الدلو" والحب فى لقاء عرض منذ أيام على برنامج "هي وبس" حيث قالت: "امرأة الدلو بتروح للحب عن طريق الصداقة، لأنها لو محستش إنها واثقة فى اللى قدامها وتعرفه من زمان مش هتاخد الخطوة، كمان هى بتعرف تفكر كويس بعقلها وممكن تدخل فى علاقة وتنجح حتى لو مابتحبش اللى قدمها أوى، أما رجل الدلو فهو بيخاف من الخطوة ومتردد جدا لكنه حبيب أوي لو وقوع في الحب".
هالة عمر: "الدلو بيزهق فى ثانية"
وصفت الكاتبة هالة عمر الحالة المزاجية التى يعاني منها برج " الدلو" فى لقاء تلفزيونى عرض منذ فترة على برنامج "شارع شريف" بـ: "الدلو بيزهق فى ثانية"، كاشفة عن السبب وراء هذا: "بيزهق جدا من الروتين..عشان كوكب أورانوس والقمر، لكن عندهم دماغ وفكر فى الاكتشاف ودايما بيدور على الحاجات الغريبة".
