05/16 08:10
يري الكاتب خالد الصفتي، ان دراما المجتمع وسلبياته تخلق الكوميديا، لذا تحدثنا اليه في الجزء الثاني من حوارنا معه، عن الشخصيات المتعدده في اصدارات سلسله فلاش، وعن خلفيه تسميه كل شخصيه منها باسمها الحالي، وعن كتابه المفضلين، وغيرها من الامور، وكان حوارنا معه كالتالي..
كلمنا عن الشخصيات اللي موجوده في السلسله؟
استوحيت كل شخصيات فلاش من مجتمعنا من البيوت المحيطه بنا بكل السلبيات والايجابيات اللي فيها، فاستوحيت شخصيه "علام" من الجهل، وهو الشخص اللي مش عارف انه جاهل، وعنده معلومات كلها خطا، ويسخر من اللي بيقول المعلومه الصحيحه، وده بنشوفه حاليا.
وكمان الشخصيه القريبه مننا "عباس" اللي عنده نظره تشاؤم، ودي شخصيات بنشوفها في الشوارع والمواصلات، فالروح دي بقيت موجوده بوفره في مجتمعنا علي عكس شخصيه "سرور" المبتسم، اللي فيه من طبيعه الشعب الياباني، اللي عراف قيمه العمل والالتزام، لدرجه ان اسم اليابان دلوقتي بيعني الجوده.
بيمثل الحاله الاجتماعيه والاقتصاديه مش السلوكيه للمواطن المصري، لانه موظف حكومي مرتبه ضعيف جدا، وده كان قبل الوقت الحالي، لان الموظف حاليا تطور ماديا واقتصاديا مش عن طريق عمله اللي لسه زي ما هو، ومبقاش مطحون ولا حاجه، لكن المواطن هو اللي لسه مطحون.
البحار الغبي مساعد كابتن غريق، عندهم سفينه تجاريه اسمها "غريق 1" بينقلوا من خلالها بضائع من بلد لبلد، بتحصل بينهم مواقف كتير جدا بسبب غباء البحار، والكابتن بيضطر يقبل الغباء، لان البحار ابن صديق قديم له.
بحب شخصيه "علام" اوي لانها معبره وملامحه بتكشف صفاته.
فيه كام عدد حاليا من الاصدارات كافه؟
حاليا في 81 عدد فلاش، و36 سماش، و35 مغامرات فلاش، و 6 اعداد سوبر فلاش.
لو هتعمل عدد حاليا ممكن تتكلم عن ايه؟
لما تحصل ثوره لازم الوقع بعدها يبقي غير قبلها، ورغم وجود تغيرات فانها ظاهريه مش اجتماعيه، وجالنا نظام واتنين وتلاته واحنا زي ما احنا، فالموضوع مش قياده، الموضوع فينا احنا، في الوسايط والتوريث وتعيين القرايب في مكان العمل، وبالتالي لازم شئ يجبرنا علي التغير.
العدد 28 و38 في الصيف، وعدد هينزل معرض الكتاب اللي جاي ان شاء الله.
عندك اعداد من الاصدارات في مكتبتك؟
للاسف معنديش ولا عدد، لان لما كان بيجيلي ضيوف او زوار، كنت بديهم نسخ، لدرجه ان لما كنت بضطر ارجع لاعداد قديمه عشان اعرف مواقف بعينها مش بفتكرها، وبينقذني من ده بعض القراء المخلصين اللي انا علي علاقه بهم، بتصل ببعضهم بيقولولي الاحداث.
قراء فلاش لهم سن معين؟
