01/23 14:28
اعترف السيناريست تامر ابراهيم مؤلف فيلم "علي جثتي"، بطوله أحمد حلمي وغاده عادل، باقتباس فيلمه من الفيلم الاجنبي Just Like Heaven بطوله ريس ويزرسبون، ومارك روفالو، انتاج عام 2006.
وكتب تامر ابراهيم علي حسابه الشخصي بموقع التواصل الاجتماعي فيسبوك: "ردا علي السؤال الشائع هو الفيلم مسروق من Just like Heaven فاظن الكلمه الادق هي (مستوحي من..) لو مسروق كنت هاكتب فيلم عن واحده خايفه تدخل قصه حب، لكنها لما اتحوّلت لشبح حبت اللي جه ياجر شقتها، ولما صحيت في الاخر عاشت معاه في سعاده.. انا مش ضد الاقتباس بصوره عامه، وسكورسيزي نفسه خد اول اوسكار في حياته علي فيلم مقتبس، وعمري ما انكرت اني استوحيت فيلمي من Just like heaven وكنت كاتب كده علي السيناريو كمان".
واضاف تامر: "اللي عجبهم الفيلم اشكرهم واقول لهم الحمد لله انه عجبكم، واللي ماعجبهمش اقول لهم اوعدكم هاعمل كل اللي اقدر عليه عشان الجاي يكون احسن، وما اكررش فيه اي غلطه من الغلطات اللي غلطتها المره دي، واللي بيقروا لي من زمان اعتقد فاكرين اول روايه ليّ "300 دقيقه" بالفضايح اللي كانت فيها، لكن اعتقد اني اتعلّمت بعدها كتير وده اللي هاعمله في مجال السيناريو، زي ما عملت في الروايات.. شكرا لكل اللي كتب رايه وهايكتبه خلال الايام اللي جايه".
واختتم تامر كلامه قائلا: "عايز اشكر كل اللي شافوا فيلم "علي جثتي" وقالوا رايهم فيه سواء بالسلب او الايجاب.. فيه ناس حبّت الفيلم وبشده، وناس كرهته وبشده، والاتنين ليهم فائق احترامي.. ده اول فيلم ليّ، واتعلّمت من التجربه دي كتير وباتعلم حاليا من كل واحد كتب نقد عليه او قال ملاحظه بخصوص السيناريو؛ مش عيب اغلط في اول تجربه لكن العيب اكرر الغلطات دي في اللي جاي، وعشان كده لازم اشكر كل اللي قال رايه في الفيلم مهما كان".
