01/01 23:18
علق الفنان حسام حسني، صاحب اغنيه «كل البنات بتحبك»، علي ذكر الفنان أحمد مكي له باحد مشاهد فيلم «لا تراجع لا استسلام» والذي كان يجسد فيه دور «حزلقوم».
وقال «حسني» في حواره مع الاعلاميه لبنى عسل في برنامجها «الحياة اليوم»، علي قناه «الحياه»، الخميس، «اغنيه كل البنات بتحبك كل البنات حلوين كانت كلمات عنتر هلال ولحنه وتوزيعه، وكان وشها حلو عليا ونجحت والناس حبتها ومازالت».
واضاف «حسني» تعليقا علي تعرض احمد مكي «حزلقوم» للاغنيه في احدي المشاهد بفيلم «لا تراجع لا استسلام»: «احمد من الجيل ده اللي كانوا بيحيونا ويسمعونا حتي في الفيلم كان حاطط بوستراتي وعلي حميده وحميد الشاعري وفؤاد وعمرو.. فكانت لمحه لطيفه منه جدا».
كان الفنان احمد مكي تعرض لاغنيه «كل البنات بتحبك» في مشهد جمعه بالفنانه دنيا سمير غانم في فيلم «لا تراجع لا استسلام» قال فيها لـ «غانم»«عارفه غنوه كل البنات بتحبك، كانت بنات بترد وتقول ورا الاستاذ حسام حسني مين مين ودا ودا دول مش بنات دول امي بس مكررين صوتها».
